ဖုန်းမျက်နှာပြင်လေးကို ခဏခဏ မီးလင်းကြည့်မိရင်း Messenger မှာ သူ့ရဲ့ Active status လေးကို မနားတမ်း စစ်ဆေးနေမိတာမျိုး ကြုံဖူးပါသလား။ ကိုယ်ပို့လိုက်တဲ့ စာတစ်ကြောင်းကို အကြောင်းပြန်ဖို့ ၂ နာရီလောက် ကြာမြင့်သွားတဲ့အခါ စိတ်ထဲမှာ မီးစနဲ့ ထိုးဆွခံလိုက်ရသလို မငြိမ်မသက်နဲ့ ဂယောက်ဂယက် ဖြစ်သွားဖူးကြမှာပါ။
ဒီလိုအချိန်မျိုးတွေဆိုရင် –
-
စာပြန်မလာမချင်း အနားမှာရှိတဲ့ ဘာအလုပ်ကိုမှ စိတ်ပါဝင်စားလို့ မရတော့တာ
-
“သူ ငါ့ကို စိတ်ကုန်သွားပြီလား၊ တခြားသူများ ရှိသွားပြီလား” ဆိုတဲ့ အဆိုးဆုံး အတွေးပေါင်းစုံ ခေါင်းထဲ တိုးဝင်လာတာ
-
မရှိတော့တဲ့ အကြောင်းပြချက်တွေကို ကိုယ့်ဘာသာ ဖန်တီးတွေးတောရင်း အတွေးကွန်ရက်ထဲ ပိတ်မိနေတာ
-
နောက်ဆုံး သူ့ဆီက စာပြန်ရောက်လာချိန်မှာတောင် ပျော်ရွှင်ရမယ့်အစား ဝမ်းနည်းမှု၊ ဒေါသနဲ့ စိတ်ဆိုးစိတ်ကောက်မှုတွေ ရောထွေးခံစားလိုက်ရတာမျိုးတွေ ဖြစ်တတ်ပါတယ်။
ဒါဟာ သံယောဇဉ်ကြီးလွန်းတာတစ်ခုတည်းကြောင့် မဟုတ်ပါဘူး။ သင့်စိတ်ထဲမှာ စွန့်ပစ်ခံရမှာကို စိုးရိမ်လွန်တဲ့ Anxious Attachment Style စိတ်ခံစားချက် အစွဲအလမ်း သို့မဟုတ် အတိတ်က ဆက်ဆံရေးတွေမှာ နာကျင်ခဲ့ရဖူးတဲ့ စိတ်ဒဏ်ရာ (Emotional Trauma) တွေက ပုန်းကွယ်ရာမှ ပြန်လည်နိုးထလာတာကြောင့်လည်း ဖြစ်ပါတယ်။
ဒီလို ပူလောင်မှုတွေ ခံစားလာရတဲ့အခါ –
၁။ ဖုန်းကို ခဏမှောက်ထားပါ – အသက်ကို ဝအောင် ၅ ကြိမ်တိုင်တိုင် ပြင်းပြင်းရှူသွင်း ရှူထုတ်ပါ။
၂။ နေရာ ရွှေ့ပါ – ဖုန်းနဲ့ ဝေးရာကို ထွက်ပြီး ရေအေးတစ်ခွက် သောက်လိုက်ပါ။ အခန်းထဲမှာ လမ်းခဏ လျှောက်ရင်း စိတ်အာရုံကို ပြောင်းလဲလိုက်ပါ။
ဒါပေမဲ့ စိတ်ထဲမှာ အမြစ်တွယ်နေတဲ့ ဒီလို စိုးရိမ်ပူပန်မှုတွေကို အပြီးတိုင် ငြိမ်းအေးသွားအောင် ကုစားဖို့ဆိုတာ ကိုယ့်ဘာသာ ကြိုးစားရုံနဲ့ မလုံလောက်နိုင်ပါဘူး။ သင့်ရဲ့ စိတ်ဒဏ်ရာနဲ့ စိုးရိမ်စိတ်တွေကို သေချာနားလည်ပေးနိုင်မယ့် ကျွမ်းကျင်သူ (Counselor / Therapist) များနဲ့ ဆွေးနွေးတိုင်ပင်ပြီး စနစ်တကျ ကူညီပံ့ပိုးမှု ရယူတာက သင့်ရဲ့ ရင်ဘတ်ထဲက အပူတွေကို သက်သာစေမယ့် အကောင်းဆုံး နည်းလမ်းပဲ ဖြစ်ပါတယ်။