(၁) သက်တောင့်သက်သာရှိပြီး အနှောင့်အယှက်ကင်းတဲ့ပတ်ဝန်းကျင် (Sleeping environment) ဖြစ်ဖို့လိုပါတယ်။ အထူးသဖြင့် အသံဆူညံတာတို့၊ အလင်းရောင် စူးရှတာတို့ မဖြစ်ဖို့လိုပါတယ်။ မီးပိတ်ပြီးအိပ်ရင် မယ်လတိုနင် (Melatonin) ဟော်မုန်း ပိုထွက်လို့ နှစ်နှစ်ခြိုက်ခြိုက် အိပ်ပျော်မှာဖြစ်ပါတယ်။
(၂) အိပ်ခါနီးမှာ တီဗီအကြာကြီးကြည့်တာတွေ မလုပ်ရပါဘူး။ ထွက်လာတဲ့ လျှပ်စစ် သံလိုက်စက်ကွင်း (Electromagnetic field) ဟာ စိတ်ကိုလှုံ့ဆော်လို့ အိပ်ပျော်ရင်တောင် အိပ်ရေးမဝတာမျိုး ခံစားရတတ်ပါတယ်။
(၃) အိပ်ခါနီးမှာ စိတ်ဓာတ်တက်ကြွစေမယ့် ကော်ဖီ၊ လက်ဖက်ရည်၊ ပိန်ဆေး၊ ကဖင်းပါတဲ့ အအေးမိတုပ်ကွေးရောဂါကုဆေးတွေ မသောက်သင့်ပါဘူး။ အိပ်မယ့်အချိန်နဲ့ ၃ နာရီလောက်စောပြီး သောက်ပါ။
(၄) ဗိုက်ဆာနေရင် အိပ်မပျော်နိုင်ပါဘူး။ အစာသိပ်စားတာများရင်လည်း မကောင်းပါဘူး။ ဒါကြောင့် အိပ်ခါနီး နွားနို့တစ်ခွက်နဲ့ မုန့်တစ်ခုခုစားရင် ကောင်းပါတယ်။ ဒါမှ အိပ်တာကို အထောက်အကူပြုတဲ့ ဆီရိုတိုနင် (Serotonin) ဟော်မုန်း ထွက်လာမှာဖြစ်ပါတယ်။
(၅) မနက်ပိုင်းနေရောင်ခြည် ခံပေးခြင်းဟာ မယ်လတိုနင် ဟော်မုန်းတွေကို နေ့ခင်းမှာ မထွက်စေဘဲ ညကျမှထွက်စေတာမို့ အိပ်ပျော်ခြင်းကို များစွာအထောက်အကူပြုပါတယ်။ မနက်ပိုင်း နေရောင်ခြည်အောက်မှာ လမ်းလျှောက်တာ၊ လေ့ကျင့်ခန်း တစ်ခုခုလုပ်တာဟာ ညဘက်အိပ်ပျော်ဖို့ အများကြီး အထောက်အကူပြုပါတယ်။
(၆) အိပ်ခါနီးရေချိုးမယ်ဆိုရင် ရေအေးနဲ့မချိုးဘဲ ရေနွေးလေးနဲ့ချိုးရင် ရေချိုးပြီးတာနဲ့ ခဏချင်းအိပ်ပျော်သွားမှာဖြစ်ပါတယ်။ ကလေးငယ်တွေဆို ပိုပြီးသိသာပါတယ်။
(၇) ဘယ်လိုမှအိပ်မပျော်ရင်တော့ သင့်တော်မယ့် အိပ်ဆေးတစ်မျိုးကို မှီဝဲနိုင်ပါတယ်။ ဒါကတော့ မိမိသဘောတိုင်းမသုံးဘဲ ကျွမ်းကျင်တဲ့ ဆရာဝန်တစ်ယောက်ယောက်ရဲ့ ညွှန်ကြားချက်နဲ့သာ အသုံးပြုရပါမယ်။
credit-ဒေါက်တာခင်မောင်လွင် (FAME)
photo credit