ဖုန်းကနေ ခဏလောက် လွတ်မြောက်ကြည့်ရအောင်ပါ
ယနေ့ခေတ်မှာ မနက်နိုးတာနဲ့ ဖုန်းကို လက်ထဲယူတတ်ကြပါတယ်။ ညအိပ်မဝင်ခင်နောက်ဆုံးမြင်တာလည်း Screen ပဲ ဖြစ်နေရပါတယ်။
Social Media, Notifications, Messages, News Updates…
ဒီအရာတွေဟာ အသုံးဝင်သလိုပဲ မမြင်မရင်မနေနိုင်တဲ့ အလေ့အကျင့်တစ်ခုလည်း ဖြစ်လာပါတယ်။
အဲ့ဒါကြောင့်ပဲ Digital Detox လို့ခေါ်တဲ့ “Digital devices တွေကနေ ခဏလောက်ဝေးကွာနေခြင်း” က အရေးကြီးလာပါတယ်။
ဒီလို လုပ်သင့်တဲ့ အကြောင်းရင်း ၅ ခုကို လေ့လာကြည့်ရအောင်။
၁။ စိတ်ဖိစီးမှု လျော့နည်းစေတယ်
Notification တစ်ခါတစ်လေ တစ်ချက်တင်တက်တာတောင်
မသိမသာ စိတ်ဖိစီးမှုတိုးစေတတ်ပါတယ်။
Constant updates တွေကြောင့် ဦးနှောက်ဟာ အနားမရပဲ အမြဲတမ်း alert mode ထဲမှာရှိနေတတ် ပါတယ်။
Digital Detox လုပ်လိုက်တဲ့အခါ
✔ စိတ်အေးချမ်းလာမယ်
✔ အတွေးတွေ သန့်ရှင်းလာမယ်
✔ Anxiety လျော့နည်းလာမယ်
၂။ အိပ်ရေးအိပ်ကောင်းစေတယ်
ညအိပ်ခါနီး ဖုန်းသုံးခြင်းက
Melatonin (အိပ်ရေးဟော်မုန်း) ထုတ်လုပ်မှုကို လျော့နည်းစေပါတယ်။
Screen Blue Light ကြောင့် အိပ်မပျော်ခြင်း၊ အိပ်ရင်လည်း အိပ်မကောင်းခြင်း ဖြစ်တတ်ပါတယ်။
Digital Detox လုပ်ပြီး ည ၁ နာရီခန့် ဖုန်းမသုံးဘဲနေကြည့်ပါ
သင့်အိပ်ရေး အရည်အသွေး များစွာ တိုးတက်လာနိုင်ပါတယ်။
၃။ လူမှုဆက်ဆံရေး ပိုကောင်းလာတယ်
အတူထိုင်ပြီး စကားပြောနေချိန်မှာ တစ်ယောက်တစ်ယောက် ဖုန်းကြည့်နေကြရင် အပြန်အလှန် ချိတ်ဆက်မှု အားနည်းသွားတတ်ပါတယ်။
Digital Detox လုပ်တဲ့အခါ
✔ မိသားစုနဲ့ ပိုမိုနီးစပ်လာမယ်
✔ မိတ်ဆွေတွေနဲ့ Quality Time ပိုရမယ်
✔ မျက်နှာချင်းဆိုင်ဆက်ဆံမှု အရသာကို ပြန်လည်ခံစားနိုင်မယ်
၄။ အာရုံစိုက်နိုင်မှု မြင့်တက်စေတယ်
Social Media ဟာ Attention Span ကို တဖြည်းဖြည်း လျော့နည်းစေတတ်ပါတယ်။ ၅ မိနစ်တစ်ခါ Notification တက်နေတဲ့အချိန်မှာ Deep Work လုပ်နိုင်ဖို့ ခက်ခဲပါတယ်။
Digital Detox လုပ်ခြင်းက
✔ Productivity တိုးတက်စေတယ်
✔ Focus ပိုမိုရှည်လျားလာတယ်
✔ အလုပ်ပြီးမြောက်မှု မြန်ဆန်လာတယ်
၅။ ကိုယ့်ကိုယ်ကို ပြန်လည်ရှာဖွေခွင့်ပေးတယ်
Screen မရှိတဲ့အချိန်မှာသင်ဘာလုပ်ချင်လဲ? ဘာကို အမှန်တကယ် စိတ်ဝင်စားလဲ?
စာဖတ်နိုင်တယ်။
လေ့ကျင့်ခန်းလုပ်နိုင်တယ်။
Journaling လုပ်နိုင်တယ်။
တိတ်တိတ်လေး အတွေးစုပေါင်းနိုင်တယ်။
Digital Detox က “Online World” ကနေ ထွက်ပြီး “Real Life” ကို ပြန်လည်တွေ့ဆုံခွင့်ပေးပါတယ်။
Digital Detox စတင်ဖို့ လွယ်ကူတဲ့ နည်းလမ်း ၃ ခု
ညအိပ်ခါနီး ၁ နာရီ Screen မသုံးပါနှင့်
Notification မလိုအပ်တာတွေ ပိတ်ထားပါ
တစ်ပတ်တစ်ရက် Social Media Free Day သတ်မှတ်ပါ
Digital Detox ဆိုတာ ဖုန်းကို လုံးဝ မသုံးတော့ဘူးဆိုတာ မဟုတ်ပါဘူး။ ဒါဟာ နည်းနည်းလောက် ခြားနားနေခြင်း ကိုယ့်စိတ်နဲ့ ကိုယ့်ဘဝကို ပြန်လည်ထိတွေ့ခြင်းပဲ ဖြစ်ပါတယ်။
တစ်နေ့လုံး Online ဖြစ်နေရတဲ့ခေတ်မှာ ခဏလောက် Offline ဖြစ်ကြည့်ခြင်းဟာ ကိုယ့်စိတ်ကျန်းမာရေးအတွက် အကောင်းဆုံး လက်ဆောင်တစ်ခု ဖြစ်နိုင်ပါတယ်။