နေ့စဉ်ဘဝမှာ အလုပ်လုပ်ရတာ မောပန်းလွယ်ခြင်း၊ ရင်တုန်ခြင်း၊ ခေါင်းမူးခြင်းတွေ ခံစားနေရပြီဆိုရင် ဒါဟာ သင့်ခန္ဓာကိုယ်က ပေးနေတဲ့ “သံဓာတ်ချို့တဲ့နေပြီ” ဆိုတဲ့ သတိပေးချက်တစ်ခု ဖြစ်နိုင်ပါတယ်။
မြန်မာနိုင်ငံမှာ အဖြစ်အများဆုံးဖြစ်တဲ့ သွေးအားနည်းရောဂါဟာ သံဓာတ်ချို့တဲ့ခြင်းကြောင့် အဓိက ဖြစ်ပွားတာပါ။ သင့်မှာ အောက်ပါလက္ခဏာတွေ ရှိနေပြီလား?
- 🥴 ခေါင်းမူးခေါင်းမူး ဖြစ်ခြင်း
- 🥱 ဘာမှမလုပ်ရသေးဘဲ အားအင်ကုန်ခမ်းနေခြင်း
- 💓 ရင်တုန်ခြင်း၊ အနည်းငယ် လှုပ်ရှားရုံနဲ့ မောပန်းခြင်း
- 🥶 လက်ဖျား၊ ခြေဖျား အမြဲအေးစက်နေခြင်း
- 👄 နှုတ်ခမ်းနှင့် မျက်သားများ ဖြူဖျော့နေခြင်း
ဒီလိုလက္ခဏာတွေ ခံစားနေရပြီဆိုရင်တော့ စိတ်မပူပါနဲ့။ အစားအသောက်ပုံစံနဲ့ ဂရုစိုက်ပေးခြင်းဖြင့် သွေးအားကို ပြန်လည်ဖြည့်တင်းနိုင်ပါတယ်။
သံဓာတ်ကြွယ်ဝဖို့ ဘာတွေစားကြမလဲ?
🥩 အနီရောင်အသားများ – အမဲသား၊ ဆိတ်သားတို့ဟာ သံဓာတ်အကောင်းဆုံး ရင်းမြစ်တွေပါ။
🥬 အစိမ်းရင့်ရောင် ဟင်းသီးဟင်းရွက်များ – ဟင်းနုနယ်၊ ကန်စွန်းရွက်၊ ကိုက်လန်ရွက်တို့ကို ပုံမှန်စားသုံးပေးပါ။
🥜 ပဲအမျိုးမျိုး – ပဲပိစပ်၊ ပဲစိမ်း၊ ပဲထောပတ်၊ ပဲကတ္တီပါနဲ့ ပဲလွန်းတို့ဟာ သက်သက်လွတ်စားသူတွေအတွက် အကောင်းဆုံးပါပဲ။
🌰 အခွံမာသီးများ – ဗာဒံစေ့၊ သီဟိုဠ်စေ့၊ မြေပဲစေ့များကို သရေစာအဖြစ် စားသုံးပေးနိုင်ပါတယ်။
🐟 ပင်လယ်စာများ – ခုံး၊ ကမာ၊ ပုစွန်၊ တူနာငါးနဲ့ ဆယ်လ်မွန်ငါးတို့က သံဓာတ်အလွန်ကြွယ်ဝပါတယ်။
ထမင်းစားပြီးတိုင်း ဗီတာမင်စီပါဝင်တဲ့ အသီးဖျော်ရည် (သို့) အရည်ရွှမ်းတဲ့ သစ်သီးတွေကို စားသုံးပေးပါ။ ဒါဟာ အစားအစာထဲက သံဓာတ်ကို ခန္ဓာကိုယ်က ပိုမိုစုပ်ယူနိုင်အောင် ကူညီပေးမှာ ဖြစ်ပါတယ်။
အကယ်၍ သွေးအားနည်းတာ ပြင်းထန်နေပြီဆိုရင်တော့ မိမိသဘောနဲ့ဆေးသောက်မယ့်အစား ဆရာဝန်နဲ့ တိုင်ပင်ပြီး သံဓာတ်အားဖြည့်ဆေးများကို စနစ်တကျ သောက်သုံးဖို့ အကြံပြုလိုပါတယ်။
ကျန်းမာရေးနှင့် ပတ်သက်ပြီး စိုးရိမ်ပူပန်စရာများရှိပါက Lotus Medicare and Pharma Solution ကို အချိန်မရွေး ဆက်သွယ်မေးမြန်းနိုင်ပါတယ်ရှင်။