ခုအချိန်မှာ စိတ်ညစ်စရာ စိတ်မပျော်စရာတွေက အဖက်ဖက်ကနေ ကိုယ့်စီရောက်လာတတ်ပါတယ်။ social media သုံးရင်ပဲဖြစ်ဖြစ်၊ အိမ်မှာနေနေရင်းပဲဖြစ်ဖြစ်၊ ဘာမှမလုပ်ရင်တောင်ထိုင်နေရင်းကို စိတ်ညစ်တယ်၊ မွန်းကြပ်တယ်ဆိုပြီးခံစားနေရတာမျိုးတောင်ကြုံဖူးမှာပါ။
တစ်ယောက်ယောက်ကိုသွားဖွင့်ပြောချင်ရင်လည်း ဒါကငါတစ်ယောက်တည်းမဟုတ်ဘူး၊ သူတို့လည်းခံစားနေရမှာပဲ၊ ငါက ဘာလို့ခံနိုင်ရည်မရှိတာလဲဆိုပြီး ကိုယ့်ကိုယ်ကိုယ်အပြစ်တင်မိတာမျိုးထိဖြစ်လာပါတယ်။ တကယ်တော့ ကျွန်မတို့အားလုံးမှာ စိတ်ခံစားချက်ကိုယ်စီရှိကြပြီး အတိုင်းတာ အတိမ်နက်လည်းမတူတာကြောင့် ကိုယ့်ကိုယ်ကိုယ်အခြားသူတွေနဲ့ ယှဉ်ပြီး အပြစ်တင်နေဖို့လုံးဝမလိုအပ်ပါဘူး။
ဒီလိုမျိုးတွေ တွေးမိသွားတဲ့အခါ ကျွန်မတို့မှာသိမ်ငယ်စိတ်တွေဖြစ်လာမယ်။ ဘယ်သူ့ကိုမှရင်မဖွင့်ချင်တော့ဘူး။ တစ်ယောက်တည်းကြိတ်ခံစားပြီး အချိန်တန်ရင်ကောင်းသွားမှာပဲလို့ခံယူလိုက်တယ်။ အဲ့ဒီခါမှာ ကျွန်မတို့ခံစားချက်လေးတွေ သိပ်ထည့်ထားတဲ့ပုလင်းလေးဟာ ပြည့်တာထက်ပိုပြီးလျှံထွက်လာပါတယ်။ ခံစားချက်တွေမြိုသိပ်ထားပါများရင်
ကိုယ့်ရဲ့ physical health ကိုထိခိုက်စေခြင်း မှတ်ဉာဏ် တဖြည်းဖြည်းဆုံးရှုံးခြင်း ကိုယ့်ကိုယ်ကို နားမလည်တာမျိုးဖြစ်ခြင်း စိတ်ဓာတ်ကျခြင်း ၊ စိတ်ရှုပ်ခြင်း ၊ စိတ်ခံစားလွယ်လာခြင်း စိတ်ကျန်းမာရေးကိုပါ ပိုပိုပြီးထိခိုက်လာခြင်းမျိုးဖြစ်တတ်ပါတယ်။ဒါဆိုရင် ဘယ်လို coping လုပ်ကြမလဲ ?
ကိုယ်ကအပေါ်ကပြောထားသလိုမျိုးကို အစပျိုးခံစားမိပြီဆိုရင်
အနားခနယူပြီး ကိုယ့်ခံစားချက်တွေကိုနားလည်အောင်ဆန်းစစ်ခြင်း ဒီခံစားချက်တွေဖြစ်ရတဲ့အကြောင်းတွေကို ပြန်သုံးသပ်ပြီး တဖြည်းဖြည်းစိတ်ကိုဖြေလျော့ခြင်း အခြားရင်းနှီးယုံကြည်ရသူတစ်ယောက်ကို ရင်ဖွင့်ပြောဆိုခြင်း Journal ၊ ဒိုင်ယာရီ ရေးခြင်း ကိုယ့်ကိုယ်ကိုယ် အချိန်ပေးပြီး ဂရုစိုက်ခြင်းတို့ကို အချိန်အတိုင်းတာတစ်ခုယူပြီး အနားယူကြည့်နိုင်ပါတယ်ရှင့်။
credit-mental heal
photo credit-From mental heal