ကြောင်တုတ်ကွေးတွေဟာ Feline parvovirus ဒါမှမဟုတ် ( Feline distemper )လို့ခေါ်တဲ့ကူးစက်ရောဂါကနေပေါက်ဖွားလာတာပါ။ကြောင်လေးတွေရဲ့ အစာအိမ်လမ်းကြောင်းကိုအန္တာရာယ်ဖြစ်စေပါတယ်။ အဆိုပါရောဂါဟာ အိမ်မွေးကြောင်လေးတွေအပြင်ကြောင်မျိုးနွယ်စုများဖြစ်တဲ့ ကျား၊ခြင်္သေ့၊တောကြောင်စတာတွေနဲ့အခြားသောတိရိစ္တာန်မျိုးနွယ်စုများဖြစ်တဲ့ စကင့်(Skunt)၊တောဝက်ဝံငယ် စတာတွေမှာလည်းတွေ့ရှိရတတ်ပါတယ်။ ရောဂါလက္ခဏာတွေကတော့ ဝမ်းပျက်၊ဝမ်းလျှော၊အော့အန်တတ်ပြီးတခါတလေ နှာစေးချောင်းဆိုးခြင်းများလည်းဖြစ်တတ်ပါသေးတယ်၊ဒါကြောင့်ဒီရောဂါကိုလူတွေက ကြောင်တုတ်ကွေး( Cat distemper)၊ ကြောင်အူရောင်ရောဂါ (Feline Parvovirus Enteritis)စသည်ဖြင့် အမျိုးမျိုးခေါ်ဝေါ်ကြပါတယ်။
ကြောင်တုတ်ကွေးရောဂါဟာအသက်အရွယ်မရွှေးဖြစ်နိူင်သော်လည်း ကြောင်ပေါက်စလေးတွေကပိုမိုကူးစက်လွယ်ပြီး ရောဂါပိုမိုပြင်းထန်စေပါတယ်။
ရောဂါရဲ့လက္ခဏာတွေကတော့ 
လေးလံထိုင်းမှိုင်းပြီးအစာမစားချင်ဖြစ်မယ်၊
အဖျားတက်၊ပျို့အန်၊၀မ်းပျက်ဝမ်းလျှော၊သွေးဝမ်းပါ၊ရေဓါတ်ကုန်ခမ်း၊ဗိုက်နာတာတွေဖြစ်တတ်ပြီး အစာအိမ်အတွင်း gas နှင့်အခြားသောအချွှဲရည်များရှိနေတတ်တဲ့အတွက် ကြောင်လေးများမျက်လုံးကွယ်သည်အထိဖြစ်နိူင်ပါတယ်၊ရောဂါမှပျောက်ကင်းပြီဖြစ်သောကြောင်လေးများရဲ့မစင်အတွင်းရောဂါပိုးများရှာဖွေတွေ့ရှိနိူင်ပါသေးတယ်။
ကိုယ်ဝန်ဆောင်ထားသောကြောင်များရောဂါကူးစက်ခံရပါက ကိုယ်ဝန်ပျက်ကျခြင်း သို့မဟုတ် မီးဖွားပြီးကလေးသေဆုံးခြင်းများဖြစ်တတ်ပါတယ်။
ရောဂါကူးစက်ရတဲ့ကြောင်းရင်းတွေကတော့ရောဂါပိုးရှိတဲ့ကြောင်တွေနဲ့ထိတွေ့ခြင်း မစင်တွင်းပါလာသောရောဂါပိုးများကိုထိမိခြင်း အခြားသောအရာဝတ္ထုများ အသုံးအဆောင်များမှတဆင့်ကူးစက်ခြင်းဖြစ်ပါတယ်။ရောဂါကူးစက်ပြီး ၂ရက်မှ ၇ ရက်အတွင်းရှိမှသာလျှင်ရောဂါလက္ခဏာပြမှာဖြစ်ပါတယ်။ကြောင်ပေါက်လေးတွေက ပိုမိုပြီးအသက်ဆုံးရှုံးမှုနူန်းများပြီး ရာခိုင်နူန်းအားဖြင့် 25 မှ 90% ထိရှိတတ်ပါတယ်။ Vaccine ကာကွယ်ဆေးမထိုးရသေးသောကြောင်များမှာပိုပြီးအန္တရာယ်ရှိနိူင်ပါတယ်။သွေးစစ်ကြည့်ပါကသွေးဖြူဥအားနည်းတာတွေတွေ့ရတတ်သဖြင့် Feline Panleukopenia ခေါ်ရခြင်းဖြစ်ပါတယ်။ရောဂါကူးစက်ခံရတာသိပြီဆိုတာနဲ့ချက်ချင်းတိရိစ္ဆာန်ဆရာဝန်ဆီသွားပြဖို့လိုပါတယ်။အစာမစားသောကြောင်များ အော့အန်၊ဝမ်းလျှောနေသောကြောင်များဟာ ကိုယ်ခံအားကျဆင်းပြီး ရေဓါတ်ကုန်ခမ်းသည့်အတွက် သတိလစ်မေ့မြောစေပါတယ်။
ဤရောဂါကိုပျောက်ကင်းအောင်ကုသရန်ရောဂါနှင့်တိုက်ရိုက်ပတ်သက်သောဆေးဝါးများမပေါ်ပေါက်သေးသည့်အတွက် ဖြစ်ပေါ်နေတဲ့လက္ခဏာအတိုင်းအတာကိုကြည့်ပြီး ကိုယ်ခံအားပိုမိုကောင်းမွန်လာအောင်ပြုစုစောင့်ရှောက်ပေးပြီး သွေးကြောမှတဆင့်ရေဓါတ်များသွင်းပေးခြင်း (Fluid therapy)၊ဘက်တီးရီးယားပိုးသတ်ဆေးများသွင်းခြင်း၊ ပုန်းလျှိုးနေသော/မမြင်ရသောရောဂါလက္ခဏာများအတွက် ပဋိစီဝဆေးများသွင်းခြင်း အော့အန်ပျောက်ဆေးများတိုက်ခြင်း စသည်တို့ကိုပြုလုပ်ပေးရပါတယ်။ ဤကူးစက်ရောဂါဟာအသက်အရွယ်မရွှေးကူးစက်နိူင်သဖြင့်ရောဂါဖြစ်ပွားနေသောကြောင်များကိုသီးသန့်မွေးမြူရန် မစင်နှင့် အခြားသောအရာတွေ တွင်ရောဂါပိုးများနေရာယူတတ်သဖြင့် ကြမ်းပြင်များကို Sodiam Hypochlorite ရောစပ်ထားသောပိုးသတ်ဆေးရည်ဖြင့်ဆေးကြောပေးရန်။
အကယ်၍မိမိ၏အိမ်တွင်ကြောင်တုတ်ကွေးရောဂါဖြင့်ကြောင်သေဆုံးဖူးပါက ကျန်ရှိနေသေးသောကြောင်များကိုနှစ်စဉ်ကြောင်တုတ်ကွေးကာကွယ်ဆေးကြိုထိုးထားပေးရန်။
ယခုအချိန်တွင် ကြောင်တုတ်ကွေးကာကွယ်ဆေးများမျိုးစုံပေါ်ပေါက်နေပြီဖြစ်ပြီးအဆိုပါကာကွယ်ဆေးများဟာ ကြောင်ဝက်သက်ရောဂါနှင့် ကြောင်တုတ်ကွေးရောဂါနှစ်မျိုးစလုံးကို ကာကွယ်ပေးမှာဖြစ်ပါတယ်။
ကာကွယ်ဆေးများကိုတိရိစ္ဆာန်ဆေးကုခန်းတိုင်းနှင့် တိရိစ္ဆာန်ဆေးရုံတိုင်းတွင် ထိုးနိူင်ပါတယ်။ကာကွယ်ဆေးကိုအိမ်မွေးကြောင်ထီး ကြောင်မလေးများသာမက ကြောင်အနွယ်ဝင်တိရိစ္ဆာန်များ တောတွင်းကြောင်များပါထိုးသင့်ပါတယ်။
Note 
လူကိုမကူးစက်နိုင်ပါ။credit-original uploader